2025 жылғы 9 қыркүйекте сағат 15.00-де ҚР ПІБ Президенттік орталығында Мемлекет басшысы Қ.К.Тоқаевтың 2025 жылғы 8 қыркүйектегі Қазақстан халқына Жолдауын сараптамалық талқылау өтеді.
Жыл сайын кез келген мемлекет үшін ең маңызды саяси оқиға – елдің даму стратегиясының басым бағыттарын айқындайтын Президенттің халыққа Жолдауы болып табылады. Жолдаудың мәндік өзегі – ел дамуының қорытындыларын шығару, орта мерзімді, сондай-ақ ішінара ұзақ мерзімді перспективаға арналған міндеттерді айқындау.
Сараптамалық талқылаудың мақсаты – Қ.К.Тоқаевтың 2025 жылғы Қазақстан халқына Жолдауының негізгі тұстарын қоғамдық-саяси және экономикалық дамудың өзекті мәселелері тұрғысынан талдау. Аталған іс-шараны өткізу қоғамдық-саяси және әлеуметтік-мәдени ұстанымдардағы тұжырымдамалық өзгерістермен байланысты.
Іс-шараға Қазақстан Республикасы Парламентінің депутаттары, Қазақстанның саяси партияларының өкілдері, ғылыми қауымдастық, даму институттары мен азаматтық қоғам өкілдері, БАҚ, жетекші қазақстандық сарапшылар және ҚР ПІБ Президенттік орталығының қызметкерлері қатысады.
