26 тамыз сағат 10:00-де Қазақстан Республикасының Президенттік орталығында «Қазақстан Республикасының Конституциясына 30 жыл: мықты мемлекет, еркін қоғам, жауапты азамат» тақырыбында сараптамалық кездесу өтеді. Кездесу конституциялық құрылысты дамытудың негізгі бағыттары мен азаматтық қоғамның қатысу тетіктері бойынша сараптамалық қорытындыларды қалыптастыру, мемлекеттің негізі ретіндегі Конституцияның маңызын талқылау арқылы қоғамның құқықтық сауаттылық деңгейін арттыру, сондай-ақ жастар мен азаматтардың конституциялық мәдениетті қалыптастыруға белсенді қатысуын ынталандыруға бағытталған.
Қатысушылар Қазақстан Конституциясының мемлекет дамуындағы басты заң ретіндегі рөлін талқылап, қазіргі заманғы шынайылық жағдайында конституциялық-құқықтық жүйені жетілдірудің негізгі міндеттері мен жолдарын анықтау үшін жиналады.
Талқылаудың өзекті мәселелері: 1995 жылғы Конституцияның тарихи рөлі: 30 жылдағы жетістіктер мен сабақтар; 2022 жылғы конституциялық реформа және конституциялық жаңғырту; азаматтардың құқықтары мен бостандықтары: жүзеге асыру және қиындықтар; «Заң үстемдігінің жаһандық индексіндегі» Қазақстанның позициясы және оны Қазақстан Республикасының 2029 жылға дейінгі Ұлттық даму жоспары аясында жақсарту; азаматтық қоғам мен саяси партиялардың конституциялық үдерістегі рөлі.
Спикерлер ретінде Қазақстан Республикасы Президенттік орталығы директорының орынбасары Серік Сыдықов, ҚР ПІБ Парламентаризм институтының директоры Наталья Пан, «Respublica» партиясының төрағасы Айдарбек Ходжаназаров, Актуалды саясат институтының директоры Сергей Коновалов, «Қазақстан заңгерлер одағы» РҚБ-нің төрағасы Серік Ақылбай сөз сөйлейді.
Сондай-ақ сарапшылық талқылауға Қазақстан Республикасы Парламенті Сенатының, Қазақстан Республикасы Конституциялық сотының, Қазақстан Республикасы Мәдениет және ақпарат министрлігінің, ҚазГЗУ-MNU университетінің, азаматтық қоғам мен құқық қорғау ұйымдарының өкілдері қатысады.
Отырыс қорытындысы бойынша қаулы дайындалады.
