ҚР ПІБ Президенттік орталығында отандық жоғары оқу орындарының студенттерініңҚазақстан Республикасының авиация генерал-майоры, «Қазақстанның Халық Қаһарманы», «Бәйтерек» БК» АҚ басқарма төрағасы Айдын Айымбетовпен ашық кездесуі өтті. Іс-шара Байқоңыр ғарыш айлағының 70 жылдығы мен Ғарышкерлік және азаматтық авиацияның халықаралық күніне арналады.
Кездесуге сондай-ақ Қазақстан Республикасындағы Ресей Федерациясының «Роскосмос» мемлекеттік ғарыш қызметі корпорациясының өкілі Геннадий Саенко да қатысты.
Іс-шараға отандық орта және жоғары оқу орындарының 75-ке жуық оқушылары мен студенттері келді.
«Кездесудің мақсаты – жас ұрпақты жаңа ғылыми және техникалық жетістіктерге шабыттандыру, ғарыш саласының болашақ перспективаларымен таныстыру және осы ғажайып әрі адамзат үшін маңызды салаға қалай қосылуға болатынын көрсету. Бұл – ғарыш саласында мансап құруды армандайтын әрбір адам үшін керемет мүмкіндік. Болашақта маңызды жобалармен айналысатын мамандар, инженерлер, зерттеушілер және әзірлеушілер қатарынан табылуға жол ашады.Кездесу сіздерді жаңа жетістіктерге шабыттандырып, жоғары технологиялар мен ғарыш әлеміндегі болашағыңызды айқындауға көмектесетініне сенімдіміз», – деді өз сөзінде Президенттік орталықтың директоры Бақытжан Темірболат.
Ашық кездесудің мақсаты – жастарды жоғары технологиялар мен ғарыштық зерттеулерге қатысты мамандықтарды игеруге шабыттандыру, сондай-ақ қазіргі қоғам өміріндегі ғарышкерліктің маңыздылығы туралы білімдерін кеңейту.
«Бүгінде Қазақстанның ғарыш саласы – бұл болашақ туралы арман емес, елдің технологиялық дамуының нақты платформасы. Біз жаңа жерсеріктерді жасап, инфрақұрылымды дамытып, жастарды осы үлкен қозғалыстың бір бөлігі болуға шақырамыз. Ғарыш ойлағаннан да жақын – және ол дәл осы жерде, Қазақстанда басталады», – деп атап өтті өз сөзінде қазақстандық ғарышкер, «Байтерек» бірлескен кәсіпорны» АҚ басқарма төрағасы Айдын Айымбетов.
Сонымен қатар іс-шара барысында ғарыштық бағдарламаларды дамыту перспективалары, ғылым мен техникадағы инновациялар, сондай-ақ жастардың ғылыми және инженерлік жетістіктердегі рөлі талқыланды.
