4 наурыз күні Қазақстан Республикасы Президенттік орталығының музейінде Астана қаласы Өзбекәлі Жәнібеков атындағы №11 мектеп-лицейінің 6 сынып оқушыларына «Батырлар институты: дәстүрлер, мәртебе және қару-жарақ»сабағы өткізілді.
Мәдени және білім беру жобалары қызметінің аға сарапшысы Гүлсім Сәрсекеева қатысушыларды қазақ қаруының тарихымен және батырлық дәстүрлерімен таныстырды. Сабақ барысында оқушылар назарына жәдігерлер ұсынылды. Бұл дәрісті танымды да, қызықты ете түсті.
Музей сабағы Қазақстанның тәуелсіздігі мен 7 мамырдың Отан қорғаушылар күні ретіндегі маңызын талқылаудан басталды. Содан кейін жасөспірімдер билік пен құрметтің белгісі болып саналатын қару сыйлау дәстүрімен танысты. Бірегей қару-жарақ топтамасы қазақ, араб, кавказ және еуропалық дәстүрлі қарулардың үлгілерін қамтыды.
Қазақ жауынгерлерінің дәстүрлі қаруының бес түрі – «Бес қару» ұғымына ерекше назар аударылды. Дәріскер олардың тарихи рөлі мен маңызы туралы тарқатып айтты. Сондай-ақ оқушылар Бөгенбай, Қабанбай, Малайсары сынды батырлардың өмірі мен ерліктері, еліміздің тарихындағы маңызы туралы мол мағлұмат алды.
Экспонаттарымен тактильді байланыс сабақтың маңызды бөлігі болды. Оқушылар қаруды көріп қана қоймай, оны ұстап көрді, бұл оның мағынасын жақсырақ түсінуге мүмкіндік берді.
Қызықты сабақтың соңында оқушыларға музейбойынша экскурсия өткізілді.
