28 ақпанда Астана қаласындағы Қазтұтынуодағы жоғары колледжінің студенттеріне «Қазақстан жастары: әлеуметтік портрет және перспективалар» тақырыбында дәріс өткізілді.
Жастар еліміздің зерттеу институттарының социологиялық деректері негізінде әзірленген қазақстандық жастардың әлеуметтік портретімен танысты. Жас қазақстандықтардың құндылықтарын, мүдделері мен талаптарын талдау мемлекеттік жастар саясатын іске асыру сапасын арттырудың маңызды құралы болып саналады. Дәріс барысында жастарды жұмыспен қамту, кәсіпкерлікті дамыту, білім беру және т.б. мемлекеттік бағдарламалар мен жобаларға баса назар аударылды.
Жұмысшы мамандықтар жылы аясында іс-шараларды жүзеге асыру: кәсіптік-техникалық білім беру жүйесін реформалау, кәсіптік біліктілікті тану орталықтарын ашу, «Мансап компасы» платформасында оқушыларға кәсіптік бағдарлауды ұйымдастыру, жұмысшы мамандықтарға қатыстыкәсіптік стандартты жаңарту мәселелері бойынша талқылау белсенді түрде өтті. Жұмысшы мамандықтар жылының бастамасы кәсіптік-техникалық білім беруді трансформациялауға және отандық өндірістерде жұмысшы мамандар тапшылығының өткір проблемасын шешуге бағытталған. Сарапшылардың бағалауы бойынша, 5 жылдан кейін Қазақстанға кәсіптік-техникалық білімі бар миллионнан астам маман қажет болады. Ең сұранысқа ие мамандықтардың қатарына:инженерлер, энергетиктер, жүргізушілер, дәнекерлеушілер, құрылысшылар-әрлеушілер,темір ұстасы және басқалар жатады.
