Қазақстан Республикасының Президенттік орталығында өткен ұлттық аспаптарға арналған музейлік сабаққа елордадағы Шейх Тәмим бен Хамад әл-Тани атындағы №85 мектеп-лицейінің оқушылары қатысты.
Музейдің интерактивті залында өткен «Қазақтың музыка өнері» сабағында оқушылар қазақтың ішекті ұлттық аспаптарының тарихымен танысып қана қоймай, домбыра, қобыз және жетіген дыбыстарын тыңдады, сондай-ақ олардың құрылысын мұқият қарап, жақыннан танысу мүмкіндігін алды. Балалар сондай-ақ тарихшылар жақында ғана тапқан көне сазсырнайға қызығушылық танытты - ол көне Отырар қаласын қазу кезінде табылған.
Сабақ барысында қатысушыларға өнер майталмандарының өмір жолы мен шығармашылығы туралы мол мағлұмат берілді. Сондай-ақжасөспірімдер Қорқыт ата туралы аңыз-әңгімелерді тыңдап, нақыл сөздерін еске түсіріп, өзара пікір алмасып, сұрақтарға жауап берді.
Сабақ соңында Шейх Тәмим бен Хамад әл-Тани атындағы №85 мектеп-лицейінің оқушысы Аружан Иманбаева «Көк ту» күйін орындады.
