«Батырлар институты: салт-дәстүр, мәртебе және қару-жарақ» музей сабағы Қазақстан Республикасы ПІБ Президенттік орталығында 26 қараша күні Дулат Бабатайұлы атындағы №89 мектеп-лицейінің 9-сынып оқушылары үшін өткізілді. «Қазақстан әлем қауымдастығында» музей залында өткен қызықты сабақ барысында мектеп оқушылары «бес қару» ұғымымен – оларға жататын садақ, найза, қылыш, айбалта, шоқпармен танысты. Сонымен қатар балалар қару тапсыру дәстүрімен танысып, Қазақстан тәуелсіздігінің қалыптасу кезеңдері мен республика Қарулы Күштерінің құрылуы туралы білімдерін бекітті. Оқушылар экспозицияға қойылған қару-жарақ топтамасына үлкен қызығушылықпен қарап, қару-жарақ шеберлігінің әйгілі мектептерімен танысты. Балалар экспонаттарды қолмен ұстап көрді.
