Қазақстан Республикасы Президенті іс басқармасына қарасты Президенттік орталығында Ұлттық валюта күніне орайластыра отырып Алматы ауданы Белсенді ұзақ өмір сүру орталығының зейнеткерлері мен Астана қаласындағы ЖОО мен колледж студенттеріне арналған тақырыптық экскурсиялар сериясын өткізді.Тақырыптық экскурсиялар барысында қатысушылар ежелгі дәуірден бүгінге дейінгі Қазақстандағы ақша айналымының тарихына терең бойлап, теңгенің ұлттық егемендіктің маңызды символы ретіндегі рөліне ерекше назар аударды.
Егемендіктің алғашқы жылдарындағы келелі істердің куәсі болған болған аға буын өкілдері теңге банкноттарының алғашқы серияларын шынайы қызығушылықпен зерттеп, олардың көркемдік және мәдени ерекшеліктерін атап өтті. Жастар өз кезегінде 1993 жылдан бастау алатын қазақстандық теңге банкноттарының дизайнымен және серияларымен танысып, ұлттық валютаның тәуелсіз мемлекеттің қалыптасуындағы рөлін ой елегінен өткізді.
Құрмет пен сабақтастыққа негізделген қазақ мәдениетінің қағидаттары негізінде экскурсиялар аға буын мен жас буын өкілдерін біріктіре отырып ұйымдастырылды. Осы форматтағы экскурсия барысында жастар ұлттық валютаны енгізу туралы көз көрген қариялардан шынайы естеліктерді ести алды, осылайша аға ұрпақ өз тәжірибесі мен білімін бөлісу мүмкіндігіне ие болды. Бұл өз кезегінде экскурсанттар арасында өзара түсіністік орнатуға жәнебайланыстарды нығайтуға септігін тигізді.
Айта кетейік, ағымдағы жылдың 12-15 қарашасы аралығында Қазақстан Республикасы ПІБ Президенттік орталығында Қазақстанның Ұлттық валюта күнін мерекелеу аясында келушілер саны 300-ге жуық адамды құрайтын тақырыптық экскурсиялар сериясы өткізілді.
Аға буын өкілдерінің рөлін құрметтеуге және тануға бағытталған мәдени құндылықтарды нығайтудағы маңыздылығы зор тақырыптықэкскурсиялардың барлық қатысушыларына ҚР Президенттік орталық өз ризашылығын білдіреді.
