Қазақстан Республикасы Президенті іс басқармасына қарасты Президенттік орталықта 2024 жылғы 30 қазанда сағат 15.00-де Патна қаласындағы (Бихар штаты, Үндістан) Бихар музейінің коллекцияларынан «Адамзат, ескерткіштер және табиғат туралы триптих» халықаралық көрмесінің ашылуы болады. Көрме «Мәдениет арқылы диалог» халықаралық жобасы аясында Қазақстан Республикасы Президенттік орталығы мен Қазақстан Республикасындағы Үндістан Республикасының Елшілігінің Свами Вивекананда «Мәдениет» орталығымен бірлесіп ұйымдастырылады.
Бихар музейі - өнер және археология музейі, Бихар штатындағы ежелгі Патна қаласында орналасқан Үндістандағы ең үлкен музейлердің бірі. Музейкөрмелері көрермендерді аймақтың өнерімен, мәдениетімен және дәстүрімен таныстырады, сонымен қатар Бихардың Үндістан тарихы мен өркениетіне қосқан елеулі үлесін баяндайды. Музей қорында 40 мыңнан астам жәдігер бар. Музей ғылыми қауымдастықпен тығыз байланыста, ол үшін ресурстық орталықтар, оқу бағдарламалары, тағылымдамалар мен шәкіртақылар құрылды. Музей қызметінің маңызды бағыты мәдениет пен өнерді танымал ету саласындағы ынтымақтастық пен серіктестікті дамыту болып табылады.
ҚР Президенттік орталығындағы көрмеде суретшілер көне ғажайыптардан заманауи сәулет құрылымдарына дейінгі монументалды туындылармен экспрессивті портреттер, композициялар, мүсіндік және деректі фотосуреттер арқылы пішіндердің алуандығы мен адамзаттың табиғатпен байланысын адамзат тарихының куәсін көрсететін өнер туындылары ұсынылған.
Көрме барысында тақырыптық топтар тоғысады, адамзатты, ескерткіштерді және табиғатты байланыстыратын үздіксіз баяндайды. Көрме біз жасайтын тарихқа, біз тұрғызған ескерткіштерге және біз қалыптастыратын ортаға жауапкершілік сезімін тәрбиелеуге тырысады. Бұл миссия олардың тарихын бейнелейтін өнер туындыларымен диалогқа және адамзаттың, ескерткіштер мен табиғаттың жалғасып жатқан тарихындағы жеке және әмбебап рөлдеріміздің әсерін қарастыруға әкеледі.
Көрмеге бейнелеу өнерінің әр түрі мен жанрындағы 50-ге жуық жұмыс қойылады.
Іс-шара аясында Қазақстан Республикасының Президенттік орталығы мен Бихар музейі(Үндістан, Патна) арасындағы ынтымақтастық және өзара іс-қимыл туралы меморандумға қол қою рәсімі өтеді.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 29.10.24 күнгі сағат 17.00-ге дейінpresidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а
