
2024 жылғы 4 қазан күні сағат 15:00-де Қазақстан Республикасының Президенті Іс басқармасына қарасты Президенттік орталықта қазақтың ұлы ақыны, дана ойшылы, қазақ классикалық жазба әдебиетінің негізін қалаушы Абай Құнанбайұлының шығармашылығына арналған «VІІI Абай оқулары» жыл сайынғы әдеби байқауының жеңімпаздарын марапаттау рәсімі өтеді.
Іс-шараға Қазақстан Республикасы Парламенті Сенатының депутаттары, Л.Н.Гумилев атындағы Еуразия ұлттық университетінің Абай академиясы ғылыми-зерттеу институтының, қоғамдық бірлестіктердің өкілдері, байқауға қатысушылар, елорда мектептерінің мұғалімдері мен оқушылары қатысады.
Абайдың әдеби мұрасын насихаттау, Қазақстан жастарының оқу мәдениетін, әдеби талғамын қалыптастыруды көздейтін байқауға еліміздің түкпір-түкпірінен 300-ге жуық қатысушы өз жұмысын жолдады. Жүлдегерлерге арнайы дипломдар мен естелік сыйлықтар табысталады.
БАҚ өкілдері аккредитациядан өтуі тиіс!
БАҚ өкілдері қажетті мәліметті кестеге сәйкес03.10.24 күні сағат 18.00-ге дейін presidentcenterkz@gmail.com электронды пошта мекенжайына жіберген жөн. Байланыс нөмірі: 8 (7172) 69-30-57, 8-707-955-59-05 (Оңалбаева Сауле).
Мекенжай: Астана қ., Бөкейхан көшесі, 1а