2024 жылғы 26 қыркүйекте сағат 15.00-де ҚР ПІБ Президенттік орталығында Қазақстанның суретшілер және қолөнершілер Одағының мүшесі, суретші-зергер Үсембеков Бақытжанның «Ғасырлар бейнесі» жеке көрмесінің салтанатты ашылуы өтеді.
Үсембеков Бақытжан Әбілмәжитұлы 1993 жылы Ақмола облысының Атбасар ауданында дүниеге келген, көптеген республикалық және шетелдік көрме жобаларының қатысушысы болып табылады.
Үсембеков Бақытжан – ежелгі әдістерді жаңғыртатын заманауи зергерлік өнердің шебері. Автордың еңбектері қазақ халқының салт-дәстүрлеріне арналған. Суретші-зергер ежелгі тұрмыстық заттарды ағаштан, сүйектерден және басқа да табиғи материалдардан шебер жасайды.
Суретшінің картиналары жан-жақтылығымен, жарқын түстер палитрасымен және әртүрлі тақырыптарымен ерекшеленеді. Автор өз шығармаларында адам мен оның айналасындағы әлем арасындағы үйлесімділік пен ажырамас байланыс туралы баяндайды.
Күмістен, мыс, жезден жасалған зергерлік композициялар сақтардың аң үлгісіндегі тәріздес, ежелгі сақтардың бұйымдарын жасау бейнесіне негізделген.
Көрме қонақтарының назарына 30-ға жуық зергерлік бұйымдар мен 10 кескіндеме ұсынылып отыр.
БАҚ өкілдері аккредитациядан өтуі тиіс!
БАҚ өкілдері қажетті мәліметті кестеге сәйкес 25.09.24 күні сағат 18.00-ге дейін presidentcenterkz@gmail.com электронды пошта мекенжайына жіберген жөн. Байланыс нөмірі: 8 (7172) 69-30-50.
Мекенжай: Астана қ., Бөкейхан көшесі, 1а
