2024 жылғы 25 қыркүйек күгі сағат 15.00-де Бүкіләлемдік туризм күнін мерекелеу аясында (27 қыркүйек) ҚР ПІБ Президенттік орталығында «Қазақстандағы тұрақты туризм» тақырыбында Fishbowl-пікірталас өтеді.
Іс-шараны «Атамекен» ҰКП қолдауымен Президенттік орталық Еуразиялық туризм қауымдастығы, Қалалық туризмді дамыту орталығымен (Астана қ.) бірлесе ұйымдастырады.
Іс-шара Қазақстан Республикасының Президенті Қ.К. Тоқаевтың 2024 жылғы 2 қыркүйектегі Қазақстан халқына Жолдауындағы негізгі басымдықтарды ескере отырып, тұрақты туризм қағидаттарын ілгерілетуге және осы маңызды саладағы ынтымақтастықты нығайтуға бағытталған.
Мемлекет басшысы еліміздің басты туристік нысандарындағы инфрақұрылымды жаңғыртудың, туристік жобаларды іске асыру кезінде экологиялық тепе-теңдікті сақтаудың және табиғатқа зиян келтірудің алдын алудың маңыздылығын атап өткен болатын.
Fishbowl-пікірталас Қазақстандағы тұрақты туризмді дамытудың ағымдағы сын-қатерлері мен келешегін талқылауға арналған бірегей платформа және еліміздің туристік секторын жаңғыртуға бағытталған ҚР Президенті Іс басқармасы мен БҰҰ жанындағы Дүниежүзілік туристік ұйым (UNWTO) арасындағы Ынтымақтастық туралы меморандумға қол қою аясында ерекше өзекті болып отыр.
Fishbowl-пікірталаста Еуразиялық туризм қауымдастығының, Қалалық туризмді дамыту орталығының мүшелері, Қазақстанның туристік саласының сарапшылары, жоғары оқу орындарының профессорлық-оқытушылық құрамы және қоғам қайраткерлері тұрақты туризм саласындағы өзекті мәселелер мен мүмкіндіктерді талқылау үшін бас қосады.
Іс-шара форматы ашық және белсенді талқылауды қамтамасыз етеді, оның барысында туристік инфрақұрылымды жақсартуға, инвестициялар тартуға, табиғи және мәдени мұраны сақтауға және озық цифрлық технологиялардың тиімді құралдарын пайдалана отырып, Қазақстанда туристер үшін қолайлы жағдайлар жасауға бағытталған нақты ұсынымдар мен бастамаларға жол ашады деп күтілуде.
Барлық мүдделі тұлғаларды пікірталасқа қатысуға және Қазақстанда тұрақты туризмді ілгерілету бойынша бірлескен жұмысқа қосылуға шақырамыз!
БАҚ өкілдері аккредитациядан өтуі тиіс!
БАҚ өкілдері қажетті мәліметті кестеге сәйкес 24.09.24 күні сағат 18.00-ге дейін presidentcenterkz@gmail.com электронды пошта мекенжайына жіберген жөн. Байланыс нөмірі: 8 (7172) 69-30-50.
Пікірталасқа қатысушылар үшін: 8 (7172) 69-30-26; 69-30-40; 69-30-08.
Мекенжай: Астана қ., Бөкейхан көшесі, 1а
