
2024 жылғы 9 қыркүйекте сағат 14.00-деҚазақстан Республикасы Президенті Іс басқармасына қарасты Президенттік орталықта V Дүниежүзілік көшпенділер ойындары аясында «Спорт жастардың әлеуметтік интеграциясының құралы ретінде: көшпелі мәдениет сабақтары» халықаралық конференциясы өтеді.
Іс-шараның ұйымдастырушылары: ҚР Президенттік орталығы және ЮНЕСКО-ның Алматыдағы Өңірлік кеңсесі. Сонымен қатар,ЮНЕСКО клубтарының Қазақстандық ұлттық федерациясы, ҚР ҰОК және БҰҰ Әйелдер ұйымының қолдауымен жүргізіледі.
Конференцияның мақсаты – мемлекеттік органдардың, академиялық қауымдастықтың, азаматтық қоғам мен халықаралық ұйымдардың өкілдері арасында пікір және тәжірибе алмасу алаңын құру.
Басты назар жастардың әлеуметтік интеграциясында спорт пен көшпелі мәдениет дәстүрлерінің рөлін талқылауға бағытталады.
Кездесу барысында қатысушылар спортты тұрақты дамытуға, қоғамдық келісімді нығайтуға және инклюзивті қоғам құруға қалай ықпал ететінін талқылай алады. Бұл диалог спорт арқылы жастарды дамыту саласындағы белсенді және бірлескен күш-жігердің маңыздылығын көрсетуге, сондай-ақ осы құндылықтарды ілгерілетуде барлық мүдделі тараптардың өзара тығыз әрекеттесуіне ықпал етуге арналған.
Конференцияның негізгі спикерлері ЮНЕСКО-ның Алматыдағы аймақтық кеңсесінің директоры, Қазақстан, Қырғызстан, Тәжікстан, Түркіменстандағы ЮНЕСКО өкілі Пирич Амир Фазлиевич; ЮНЕСКО Бас конференциясының 42-сессиясының төрағасы Микулеску Симона-Мирела; Қазақстан Республикасы Президентінің кеңесшісі, ЮНЕСКО клубтар мен қауымдастықтар дүниежүзілік федерациясының президенті Ақшолақов Болат Оралұлы.
Сонымен қатар, шараға Парижде өткен жазғы Олимпиада ойындарының күміс жүлдегері Нариман Құрбанов, Қазақстан Республикасы ҰОК вице-президенті, 2012 жылғы Олимпиада чемпионы Серік Сәпиев, Лондондағы Олимпиада ойындарының чемпиондары, Бейжіңдегі Олимпиада ойындарының күміс жүлдегері және Рио-де-Жанейродағы Олимпиада ойындарының қола жүлдегері Ольга Рыпакова.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 06.09.24 күнгі сағат 16.00-ге дейінpresidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а