Қазақстан Республикасы Президенті Іс басқармасының Президенттік орталығында бай тарихи және рухани мұрасы бар Қазақстан-Үндістан қатынастарының екіжақты мәдени байланыстарын дамытуға бағытталған «Қазақстан – Үндістан: өнер ынтымақтастығы» аттыкөрмесінің салтанатты ашылуы өтті.
Іс-шара Қазақстан Республикасындағы Үндістан Республикасы Елшілігінің СвамиВивекананда атындағы мәдени орталығы мен Павлодар қаласының «Немалевичи» акварельдікшеберханасымен бірлесе Қазақстан Республикасы Президенттік орталығының «Мәдениет арқылы үнқатысу» халықаралық жобасы аясында ұйымдастырылған
Қазақстан Республикасы Президенттік орталығының директоры Бақытжан Темірболат өзінің кіріспе сөзінде көрмеге келушілерге Үндістан мен оның мәдениетін отандастарымыздың көзімен және өз кезегінде Отанымызды Үнді қылқалам шеберлерінің шығармашылық қайта ойластыруында көруге сирек мүмкіндік берілетінін атап өтті. Мұндай шығармашылық синтез ұсынылған көркем шығармалармен танысу арқылы толық сезінуге болатын нақты синергияны тудырады.
Қазақстан Республикасындағы Үндістан Республикасының Төтенше және Өкілетті Елшісі Нагендра Прасадтың пікірінше, өнер тіл кедергілерін еңсереді және әртүрлі елдердің адамдарына эмоционалды, интеллектуалдық деңгейде қарым-қатынас жасауға мүмкіндік береді, ол кейде жай сөзбен жеткізу қиын болатын күрделі идеяларды, сезімдерді және тарихты жеткізе алады.
Өз кезегінде Үндістан суретшісі РамВиранджан өзінің арманымен бөлісті. Ол болашақта бұл көрмені Үндістан халқы да көреалады деп үміттенеді, сол кезде оның елінің азаматтары қазақ жерінің сұлулығына таңданып, сондай-ақ қазақстандықтардың Үндістанды өнер призмасы арқылы қалай көретінін біле алады.
«Немалевичи» акварельдік шеберханасының жетекшісі Светлана Кравченко іс-шараұйымдастырушылары мен қонақтарына алғысын білдіріп, акварельмен сурет салу кескіндемедегі күрделі әдістердің бірі екенін атап өтті. Жеңіл әрі қозғалмалы болса да, суретшіден ерекше шеберлік пен шыдамдылықты қажет ететін бұл әдіс бүгінгі туындыларды одан да құнды және ерекше етеді.
Көрмеде 25 автордың 90 акварельдікжұмыстары ұсынылады.
Оның ішінде түрлі мамандық иелері – мұғалімдер, заңгерлер, экономистер, медицина қызметкерлері және басқа да кәсіби емес суретшілерді бір шаңырақ астына бірлестірген «Немалевичи» акварельдік шеберханасы мүшелерінің 48 туындысы және шеберхана жетекшісі Светлана Кравченконың 21 акварельдіктуындысы бар. Бұл жұмыстарда үнді елінің мәдениеті, дәстүрлері, табиғи көркемдігі суреттелген.
Сонымен қатар, көрмеде алғаш рет Үндістан суретшісі Рам Виранжанның 21 акварельдіккескіндемесі енгізілген «Қазақстанның қысқы пейзажы» атты сериялық жұмысы ұсынылады. РамВиранжанның акварельдік туындыларында Қазақстан ауылдық жерлерінің көз тартарлық қысқы көріністері шынайы көрініс тапқан.
Көрме 2024 жылдың 23 шілдесіне дейінжалғасады.
Анықтама: Доктор Рам Виранджан (Ram Viranjan) — профессор, Курукшетра университетінің Бейнелеу өнері кафедрасының меңгерушісі. 1964 жылы Үндістанда дүниеге келген, Аллахабад университетінде (Үндістан) кескіндемеші ретінде білім алған. Суретшінің шығармашылық жолы мазмұнды. Рам Виранжан 1997 жылдан 2015 жылға дейін Үндістанда және шет елдерде 26 жеке көрмесін ұйымдастырған. Рам Виранджанныңтуындылары Үндістан, АҚШ, Қытай, Корея, Таиланд, Малайзия, Болгария, Германия, Оңтүстік Корея, Испания елдерінің коллекцияларында жинақталған.
Акварельдік шеберхана өз жұмысын Павлодар облысында тоғыз жыл бұрын бастаған. «Немалевичи» акварель шеберханасының көрмелері 2019-2023 жылдары аралығында Павлодар қаласында бес рет ұйымдастырылған. 2019 жылы 21 қатысушы 35 туындысын жұртшылық назарына ұсынса, 2023 жылы 26 қатысушының 75 туындысы көпшілік көзайымына айналды. Бүгінгі таңда шеберхана туындыларының көрмесі облыс аясында зор табыстарға ие бола отырып, еліміздің басқа да өңірлеріндегі танымалдығы да артуда.
Шеберхана жетекшісі, театр және акварель суретшісі, дизайнер Светлана Кравченко 30-ға жуық халықаралық көрменің дипломанты болып табылады. Оның туындылары Қазақстан, Ресей, Италия, Германия, Дания, Үндістанның жеке коллекцияларында сақталған.
