2024 жылғы 29 мамырда сағат 15.00-де Қазақстан Республикасы Президенті Іс басқармасының Президенттік орталығында саяси қуғын-сүргін және ашаршылық құрбандарын еске алу күніне арналған «ХХ ғасырдағы саяси қуғын-сүргіндер: тұжырымдамалық пайым және саяси-құқықтық баға беру» атты дөңгелек үстел өтеді.
Аталған іс-шараның басты мақсаты Қазақстандағы және бұрынғы Кеңес Одағы республикаларындағы саяси репрессиялардыңөзекті мәселелерінің кең ауқымын сараптамалық талдау және талқылау, кеңестік кезеңдегі саяси қуғын-сүргін теориясы мен практикасын объективті құқықтық және саяси бағалау, террордың тоталитарлық жүйесінің салдарын және оның негізінде жатқан кемсітушілік тәжірибелерінзерттеу болып табылады. Белгілі ғалымдар мен зерттеушілердің пікірлері мен сараптамалық бағалаулары сол кездегі кеңестік террордың салдары туралы жан-жақты көзқарас қалыптастыруға мүмкіндік береді.
Дөңгелек үстел жұмысына Қазақстан Республикасы мен Әзірбайжан Республикасы Парламентінің депутаттары, белгілі отандық және шетелдік зерттеуші ғалымдар, даму мен азаматтық қоғам институттарының өкілдері, Қазақстанныңжоғары оқу орындарының профессор-оқытушылар құрамы мен студенттері қатысады.
