А.ж. 3 мамырында сағат 15.00-де Қазақстан Республикасы Президенті Іс басқармасыныңПрезиденттік орталығында Отан қорғаушылар күніне, Жеңіс күніне және Р.Қошқарбаев пен С.Нұрмағамбетовтың 100 жылдығына арналған «Атыс қаруы: тапанша тарихы» көрмесініңашылуы өтеді.
Көрмеде Ұлы Отан соғысы жылдарында туған жерін қорғаған батырларының ерліктерін баяндайтын материалдар, сондай-ақ Қазақстан Республикасы Қарулы Күштерінің қалыптасуы мен дамуы туралы материалдар ұсынылады. Көрменің негізін Президенттік орталықтың жинақтарындағы атыс қаруларының жинағы құрайды.
Көрме 3 бөлімнен тұратын болады:
І. «Ұлы Отан соғысының батырлары». Бөлімде Ұлы Отан соғысы жылдарындағы қазақстандық жауынгерлердің ерліктері туралы материалдар көрсетіледі.
ІІ. «ҚР ПІБ Президенттік орталығының қорынан тапаншалар топтамасы». Бұл бөлімде Президенттік орталықтың қорынан алынған атыс қаруы топтамасының үлгісі негізінде, тапаншаның даму эволюциясы – револьверлерден қазіргі заманғы атыс қаруларына дейін көрсетіледі.
ІІІ. «Қазақстан Республикасының Қарулыкүштері». Бөлім көрермендерді 1992 жылғы 7 мамырда құрылған Қазақстан Республикасы Қарулы күштерінің қалыптасу тарихымен таныстырады.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 03.05.24күнгі сағат 11.00-ге дейінpresidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-56, +77012502569 (Исина Айгерім).
Мекенжай: Астана қ., Бөкейхан көшесі, 1а.
