2024 жылғы 10 сәуірде сағат 15.00-де Қазақстан Республикасы Президенттік орталығының музейлік жинағындағы фотоаппараттар топтамасынан ұйымдастырылған «Объектив арқылы көзқарас»тақырыптық қор көрмесінің ашылуы өтеді.
Іс-шара Қазақстандағы Ғылым қызметкерлері күніне орайластырылды (12 сәуір).
Көрменің мақсаты – фототехника мен фотосурет ісі дамуының алғашқы кезеңдерінен бастап, қазіргі таңдағы фотоөнерге дейінгі фотоиндустрия тарихын музейлік жинағындағы деректі және материалдық заттар мысалында көрсету болып табылады.
Көрмеде Президенттік орталық қорынан, сондай-ақ музейаралық ынтымақтастық аясында Солтүстік Қазақстан облыстық музейлер бірлестігінің қорынан 53 бірегей жәдігер ұсынылды. Өткен ғасырдың 30-90-шы жылдарында шығарылған камералар, фотоальбомдар, фотоаппарат бөлшектері ғылым мен техниканың дамуындағы зор жетістіктерді көрсетеді.
