2024 жылғы 19 наурызда сағат 15.00-де Қазақстан РеспубликасыныңПрезиденттік орталығында Қазақстандағы алғашқы парламенттік сайлаудың30 жылдығына орайластырылған «Биліктің заң шығарушы тармағы: трансформация және жаңа бағдарлар» атты дөңгелек үстел өтеді.
Іс-шараның негізгі мақсаты «Заң және тәртіп» қағидатын ілгерілету, атап айтқанда, заңға құрмет мәдениетін, заңдылықты нығайту жолындағыазаматтардың ынтымақтастығын қалыптастыру, жауапты азаматтыңқұндылықтарын ынталандыру, мемлекеттік аппаратта тежеу және тепе-теңдік жүйесін құру, мемлекеттік органдардың есептілігі мен транспаренттілігін арттыру болып табылады.
Заң шығарушы билік елдің саяси өмірінде шешуші рөл атқарады. 2022 жылғы Конституциялық реформа Парламенттің, елдегі барлық азаматтыққоғам институттарының рөлін күшейтуге, жаңа демократиялықстандарттарды қалыптастыруға бағытталған бүкіл саяси жүйенітрансформациялаудың жаңа сатысын көрсетті.
Іс-шараны дөңгелек үстел форматында өткізу әртүрлі тарихикезеңдерде жоғары заң шығарушы органды институттандырудың негізгімәселелері, бүкіл қоғамдық-саяси жүйені жаңғырту процесіндеҚазақстандағы парламентаризмнің болашағы мен дамуы бойынша түрлісараптамалық бағалауларды талқылауға мүмкіндік береді.
Іс-шараға Қазақстан Республикасы Парламентінің депутаттары, қазақстандық және шетелдік сарапшылар, ғылыми қауымдастық, даму институттары мен азаматтық қоғам өкілдері, жоғары оқу орындарыныңпрофессорлық-оқытушылық құрамы мен студенттері қатысады.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 19.03.24 күнгі сағат 10.00-ге дейін presidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-57, +77079555905 (Оналбаева Сәуле)
Мекенжай: Астана қ., Бөкейхан көшесі, 1а
