Қазақстан Республикасы Президенттік орталығында елордалық Талғат Бигелдинов атындағы №1 мектеп-лицейінің 7 «Г» сынып оқушыларына «Батырлар институты: салт-дәстүр, мәртебе және қару» атты музей сабағы өтті. «Қазақстан әлемдік қауымдастықта» музей залында өткен қызықты сабақта мектеп оқушылары қару сыйлау дәстүрі мен «бес қару» (қазақ батырының бес қаруының түрі: қылыш, семсер, найза, сүңгі, садақ, күрзі, айбалта) туралы білді. Сонымен қатар, оқушылар ел тәуелсіздігінің қалыптасу кезеңдері мен Қазақстан Республикасы Қарулы Күштерінің құрылуы туралы білімдерін бекітті. Оқушылар экспозицияда ұсынылған қару-жарақ топтамасын аса қызығушылықпен тамашалап, қолдану шеберлігімен танысты. Экспонаттар арасынан кейбір қару-жарақты қолмен ұстап көрді.
