Қазақстан Республикасы Президенттік орталығында 3 қазанда өткен «Батырлар институты: салт-дәстүр, мәртебе және қару» атты музей сабағының тындаушылары Астана қаласы әкімдігінің Өзбекәлі Жәнібеков атындағы № 11 мектеп-лицейінің 6 сынып оқушылары болды.
Сабақтың бірінші бөлімі қару беру дәстүрінің тарихы мен ерекшеліктеріне арналды. Сонымен қатар мектеп оқушылары «батырлық институты» және «бес қару» - қазақ жауынгер-батырының әскери қарудың бес міндетті түрінен тұратын жабдығы ұғымдарымен танысты.
Балалар музей жәдігерлерін жақыннан қарап қана қоймай, экспозицияда ұсынылған қару-жарақ топтамасындағы бірегей жәдігерлерді қолмен ұстап көруге мүмкіндік алды.
