«Таза Қазақстан» республикалық экологиялық бағдарламасы аясында Қазақстан Республикасы Президенті Іс басқармасының Президенттік орталығының 45 қызметкері елордадағы «Жетісу» саябағында өткен сенбілікке қатысты.
Іс-шара барысында аталған аумақ тазартылып, абаттандыру жұмыстары жүргізілді. Нәтижесінде 60-тан астам қап тұрмыстық және өндірістік қалдық жиналды.
Ағымдағы жылдың 2 маусымында Алматы облысының Алатау қаласын дамыту мәселелері жөніндегі кеңесте сөз сөйлеген Мемлекет басшысы «Таза Қазақстан» жалпыұлттық қозғалысы Әділетті Қазақстанның мәнін айшықтап, оның басты идеологиялық тірегіне айналуға тиіс екенін атап өтті.
Осындай іс-шараларға қатысу экологиялық мәдениетті қалыптастыруға, қоршаған ортаға ұқыпты қарауға және тұрғындар үшін жайлы қалалық орта құруға ықпал етеді.
