Мемлекет басшысының бастамасымен қолға алынған жалпыұлттық «Таза Қазақстан» экологиялық акциясы аясында ҚР ПІБ Президенттік орталығының қызметкерлері Астана қаласындағы «Западный» саяжай серіктестігі аумағында өткен сенбілікке қатысты.
Кәсіпорын басшысының жетекшілігімен өткен сенбілікке 50 қызметкер қатысып, аумақты тазалау және абаттандыру жұмыстары жүргізілді. Нәтижесінде шамамен 70 қап қоқыс пен қураған шөп жиналды.
Айта кету керек, «Таза Қазақстан» Президенттік бастамасы халықтың экологиялық мәдениетін арттыруға, табиғатқа ұқыпты қарау қағидаттарын қалыптастыруға және қоршаған ортаны қорғауға бағытталған. Бұл ұстанымдар Қазақстанның жаңартылған Конституциясында да өз көрінісін тапқан.
