3 сәуір күні Президенттік орталығында «Қазақ зергерлік өнері» тақырыбында дәріс өтті. Танымдық кездесуге елордадағы №114 мектептің сегізінші сынып оқушылары қатысты.
Сабақтың басты мақсаты – өскелең ұрпақты қазақ зергерлерінің бай мұрасымен таныстыру және халықтық әшекей бұйымдардың терең символикалық мән-мағынасын түсіндіру.
Дәріс барысында мектеп оқушылары көшпелілер үшін зергерлік бұйымдар тек сәндік бұйым емес, адамның өзіндік «төлқұжаты» болғанын білді. Ертеде сақиналар мен білезіктердегі ою-өрнектер арқылы иесінің әлеуметтік мәртебесін, жасын, тіпті қай руға жататындығын анықтаған. Дәріскер ата-бабаларымыз Айдың тазалығымен және қорғаныштық сиқырымен байланыстырған күмістің қасиетіне ерекше тоқталды,
Тақырыпқа тереңірек үңілу үшін дәріскер әшекейлердің түрлерін көрнекі түрде көрсетті: салмақты білезіктер, қыздардың кербез қимылмен жүруіне ықпал ететін сыңғырлаған шашбау – шолпы, бірегей сәлемдеме сақинасы – құс мұрын, құдалардың жүзігі – құдағи жүзік және жігіт пен жауынгердің мәртебесін айқындайтын ерлердің белбеуі – белдік.
Оқушылар көне геометриялық өрнектерден бастап, зооморфтық желіні құрайтын ою-өрнектердің мағынасын қызығушылықпен ұғынуға тырысты. Балаларға арналған бойтұмарлар мен кішкентай нәрестелерді қорғау үшін үкінің тырнағын пайдалану туралы әңгіме оқушылардың ерекше қызығышылығын оятты.
Дәріскер Гүлсім Сәрсекеева сабақ соңында: «Зергерлік өнерді зерттей отырып, біз тек әдемі заттарға қарап қана қоймай, металл мен тасқа жасырылған халқымыздың тарихын оқи аламыз», – деп түйіндеді.
