23 қаңтарда Президенттік орталықта № 5 мектеп-гимназиясының 5-сынып оқушыларына арналған «Қазақ зергерлік өнері» тақырыбында музей сабағы өтті.
Сабақ барысында оқушылар дәстүрлі қазақ зергерлік өнерінің тарихы мен ерекшеліктерімен, оның тұрмыстағы, салт-дәстүрлер мен халықтың әлеуметтік өміріндегі рөлімен танысты. Балаларға әшекейлердің маңызы, олардың мағынасы, материалдары мен жасау техникасы, сондай-ақ күмістің неге қазақ зергерлерінің басты металы болып есептелгені туралы айтылды.
Әйелдердің, ерлердің және балалардың дәстүрлі әшекейлері: сырғалар, білезіктер, сақиналар, төс әшекейлері, белбеулер мен тұмарлар туралы әңгімелер ерекше қызығушылық тудырды, олар бойынша ертеде адамның жасы, отбасылық жағдайы және әлеуметтік мәртебесі айқындалған болатын.
Сабақ интерактивті әдісте өтіп, талқылау барысында оқушылар сұрақтарға белсенді жауап беріп, өз әсерлерімен бөлісті. Мұндай іс-шаралар қазақ халқының мәдени мұрасын сақтау мен насихаттауға және өскелең ұрпақтың ұлттық дәстүрлерге қызығушылығын қалыптастыруға ықпал етеді.
