10 желтоқсанда Мәдени және білім беру жобалары қызметінің қызметкерлері Астана қаласындағы №31 мектеп-гимназиясының 7-сынып оқушыларына көшпелі музей сабағын өткізді.
Сабақ қазақтың зергерлік өнеріне және оның өзіндік ерекшеліктеріне арналды. Оқушылар қолөнердің қалыптасу тарихымен танысып, шеберлер қандай материалдарды жиі қолданғанын, әсіресе не себепті күмістің олардың жұмысында ерекше орын алғаны туралы мол ақпарат алды. Зергерлік әшекейлер арқылы жасөспірімдерге негізгі ою-өрнек түрлері, олардың мағынасы мен бұйымды көркемдеудегі рөлі көрсетілді.
Сабақ барысында қазіргі таңда зергерлік өнердің қалай сақталып келе жатқанына айрықша назар аударылды. Оқушылар заманауи дизайнерлердің ұлттық нақышқа қалай жиі жүгінетінін, сондай-ақ дәстүрлі элементтердің жаңа технологиялармен және қазіргі дизайнмен үйлесе алатынын білді.
Музейлік сабақ диалогтық форматта өтті: оқушылар талқылауға белсенді қатысып, сұрақтар қойып, ой бөлісті.Олар қазақтың зергерлік әшекейлеріндегі символика және мәдени мұраның бүгінгі шеберлерге қалай шабыт бере алатыны туралы толғанды.
