Ағымдағы жылдың тамыз айында музейге 8391 адам келді. 300-ден астам экскурсия өткізілді.
Тамыз айында ерекше назар ресми делегациялармен және жоғары мәртебелі қонақтармен жұмыс жасауға аударылды.
Музейге Селангор штатының (Малайзия) бас министрі Амируддин бин Шари, Армения Конституциялық сотының төрағасы Арман Диланян, Түркітілдес мемлекеттердің Парламенттік Ассамблеясы делегациясы (төрағасы – Мехмет Сурейя Эр), Еуразиялық экономикалық одақ Сотының судьялары, Өзбекстан Конституциялық сотының судьялары, Тәжікстан Республикасының өкілдері, Қазақстан Республикасы Конституциялық соты төрағасының орынбасары Бақыт Нұрмұханов келді.
Мұндай сапарлар музейдің өкілдік функциясының дәлелі болып табылады және Қазақстанның халықаралық аренадағы беделін нығайтуға ықпал етеді.
Айта кету керек, тамыз айында жұртшылықтың назарын «Таза Қазақстан» республикалық акциясына арналған «Тоғысқан өнер үндестігі» атты көрме ерекше аударды.
Тамыз айының маңызды оқиғаларының бірі – еліміздің Конституциясының 30 жылдығына арналған, Қазақстан Республикасы Конституциялық Сотымен бірлесіп ұйымдастырылған «Жаңартылған Конституция – әділетті қоғам кепілі» атты көрменің ашылуы болды.
Келушілер санының тұрақты өсуі, белсенді экскурсиялық жұмыс, алуан түрлі көрмелік бағдарлама және жоғары мәртебелі делегациялардың сапарлары ҚР Президенттік орталығы музейінің Қазақстандағы жетекші мәдениет институттарының бірі ретіндегі мәртебесін дәлелдейді.
