Бүгін Қазақстан Республикасы Президенттік орталығының директоры Бақытжан Темірболат пен Астана Халықаралық университетінің президенті Серік Ирсалиевтің кездесуі өтті. Кездесу барысында ынтымақтастық туралы Меморандумға қол қойылды.
Аталған құжаттың мақсаты – ҚР Президенттік орталығы мен Астана Халықаралық университеті арасындағы ынтымақтастықты дамыту, сондай-ақ бірлескен білім беру және ғылыми бастамаларды іске асыру.
Тараптар мемлекеттік саясат, басқару, құқық және халықаралық қатынастар салаларында жоғары білікті мамандарды даярлау, сонымен қатар студенттерге кәсіби тәжірибе мен ғылыми тағылымдамаларды ұйымдастыру бағытында өзара іс-қимыл жасауға ниетті.
