Ағымдағы жылдың 26 маусымында сағат 15.00-де ҚР ПІБ Президенттік орталығында Астана күніне арналған қазақстандық фотожурналист, өлкетанушы Нурмухамат Имамовтың «Менің Астанам: өткеннен болашаққа» атты фотокөрмесінің ашылуы өтеді.
Жоба ҚР ПІБ Президенттік орталығы, «Қалалық туризмді дамыту орталығы» қауымдастығының, «Astana Tourism» туризмді дамыту орталығының, Астана гидтері клубының және Н. Имамовтың отбасының қолдауымен жүзеге асырылып, шебердің объективі арқылы түсірілген Астана қаласының көрнекі мұрасын сақтауға бағытталған.
Көрменің мақсаты-Қазақстанның тарихи-мәдени мұрасын насихаттау және кең аудиторияны шынайы деректі фотографиямен таныстыру.
Экспозицияға Нурмухамат Имамұлының 40 жылдан астам уақыт бойы «Акмолинская правда» газеті және басқа да басылымдардың фототілшісі болып жұмыс істеген уақытта жасаған сирек кездесетін фотоматериалдары кіреді. Соғыстан кейін аман қалған «Киев» фотоаппаратының объективі арқылы қаланың қалыптасуының негізгі кезеңдері, тұрғындардың тұрмысы, көшелердің келбеті және ел тарихын жасаған қарапайым адамдардың портреттері өтті.
Нурмухамат Имамов (1926-2000) - Ұлы Отан соғысына қатысып, Пе-2 шүйілгіш бомбалаушысында радио атқыш қызметін атқарған. Отанына оралғаннан кейін театр суретшісі, радиомеханик және ретушер болып жұмыс істеді. Фото өнеріне автор өзінің жеке дәптерінде жазғандай, «Целиноградтың маңызды оқиғаларын тіркеу» үшін саналы түрде, ересек жаста келді.
Көрменің жеке бөлімі 1977 жылы 7 желтоқсанда Тың игерушілер сарайында қойылған және жақында фотографтың ұлы Ринат Имамов цифрландырған фотосуреттер мұрағатына арналған. Мыңдаған мұрағатты сақтау және жариялау жұмыстары жалғасуда және осы материалдардың бір бөлігіwww.imamov.kz. сайтында ұсынылған.
Нурмухамат Имамовтың фотосуреттері жай ғана деректі шежіре емес, уақыттың жанды тынысы, дәуірдің мәдени коды болып табылады. Олар өткенге деген сағынышты оятып, қазіргі фотографтарды шабыттандырады, сонымен қатар тарихшылар, өлкетанушылар және қала мен елдің өткеніне қызығушылық танытатын адамдар үшін құнды ресурс болып табылады.
Көрмеде Н. Имамовтың 300-ге жуық мұрағаттық фотосуреттері ұсынылады. Көрменің жұмысы 2025 жылдың 10 тамызына дейін жалғасады.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 26.06.2025 күнгі сағат 11.00 дейін saule.onalbaeva@mail.ruэлектрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а
