Балаларды қорғау күні қарсаңында Президенттік орталығының қызметкерлері Астанадағы №8 «Думан» балабақшасында музейден тыс сабақ өткізді.
Сабаққа мектепалды даярлық тобының тәрбиеленушілері қатысты. Олар үшін қызықты бағдарлама ұйымдастырылды, оның барысында балалар жаңа сөздермен және ұғымдармен танысты, сонымен қатар нағыз музей экспонаттарын өз көздерімен көріп, тіпті ұстай алды.
Сабақ интерактивті форматта өтті: балалар жұмбақтар шешіп, әліпбиді білу бойынша ойын тапсырмаларын орындап, талқылауға қызығушылықпен қатысты. Бұл әдіс мектеп жасына дейінгі балалардың ой-өрісін кеңейтуге мүмкіндік беріп қана қоймай, танымдық қызығушылықтарын, тарихқа деген сүйіспеншіліктерін ерте жастан дамытуға ықпал етеді.
Музейден тыс сабақтар Президенттік орталық жұмысының маңызды бөлігі болып табылады және балаларды мәдени мұрамен таныстыруға, олардың интеллектуалдық және шығармашылық қабілеттерін дамытуға бағытталған.
