«Таза Қазақстан» республикалық акциясы аясында Қазақстан Республикасы Президенті Іс Басқармасына қарасты Президенттік орталығының қызметкерлері Ақмола облысы Целиноград ауданының Аққайың ауылындағы «Шапағат» арнайы әлеуметтік қызметтер көрсету орталығында сенбілік өткізді.
Сенбілік барысында әлеуметтік мекеменің аумағы абаттандырылып, шамамен 150 қап қатты тұрмыстық қалдықтар жиналып, 70-ке жуық ағаш ақталды және 20-ға жуық қоқыс жәшіктері боялды.
Сонымен қатар, Президенттік орталық басшылығы ұйымның кітапханалық қорына 28 басылым тапсырды.
Аталған іс-шаралар — аға буынға деген терең құрмет пен қолдауды білдірудің, инклюзивті қоғамды дамытуды қолдаудың айқын үлгісі болды. Бұл бағыттар Қазақстан Республикасы Президенті Қ.К.Тоқаевтың Қазақстан халқына арнаған жолдауларында бірнеше рет атап өтілген.
