2025 жылғы 2 сәуірде сағат 15:00-де ҚР ПІБ Президенттік орталығында отандық жоғары оқу орындарының студенттерінің Қазақстан Республикасының авиация генерал-майоры, «Қазақстанның Халық Қаһарманы», «Бәйтерек» БК» АҚ басқарма төрағасы Айдын Айымбетовпен ашық кездесуі өтеді. Іс-шара Байқоңыр ғарыш айлағының 70 жылдығы мен Ғарышкерлік және азаматтық авиацияның халықаралық күніне арналады.
Кездесуге сондай-ақ Қазақстан Республикасындағы Ресей Федерациясының «Роскосмос» мемлекеттік ғарыш қызметі корпорациясының өкілі Геннадий Саенко да қатысады.
Ашық кездесудің мақсаты – жастарды жоғары технологиялар мен ғарыштық зерттеулерге қатысты мамандықтарды игеруге шабыттандыру, сондай-ақ қазіргі қоғам өміріндегі ғарышкерліктің маңыздылығы туралы білімдерін кеңейту.
Іс-шара барысында ғарыштық бағдарламаларды дамыту перспективалары, ғылым мен техникадағы инновациялар, сондай-ақ жастардың ғылыми және инженерлік жетістіктердегі рөлі талқыланады.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 01.04.2025 күнгі сағат 18.00-ге дейін saule.onalbaeva@mail.ru.электрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а
