2025 жылғы 20 наурызда Қазақстан Республикасы Президенттік орталығының музейінде «Наурыз. Таным. Тарих» экскурсиялық апталығы аясында «Тарихтың алтын өрнегі» атты тақырыптық экскурсия өтті.
Тақырыптық экскурсия «Бір жәдігер тарихы» музейлік жобасы бойынша ХІХ ғасырдағы маңызды тарихи тұлғалардың бірі – Жәңгір ханның жары Фатима ханшаның бешпентін көрсете отырып, қазақ халқының мәдени мұрасын, ұлттық киімдері мен тарихи жәдігерлерін насихаттау мақсатында ұйымдастырылды. Экскурсияға Қ. Құлажанов атындағы Қазақ технология және бизнес университеті мен «М.Тынышпаев атындағы Қазақ көлік және коммуникациялар академиясы» АҚ-ның Ақмола колледжінің 1 курс студенттері қатысты.
Экскурсия соңында студенттер қазақ мәдениетінің көркемдік дәстүрлері мен ұлттық мұраның сақталуы туралы өз пікірлерімен бөлісіп, тақырып бойынша сұрақтар қойды.
