Қазақстан Республикасы Президенттік орталығының қызметкерлері халқымыздың ең маңызды әрі сүйікті мерекелерінің бірі қарсаңында Астана қаласында өзінің қамқорлығындағы ардагер, Социалистік Еңбек Ері Валентин Петрович Щербаковқа барды.
Кездесу барысында Орталық қызметкерлері Валентин Петровичке азық-түлік себетін табыс етіп, оның ерлігі мен елдің дамуына қосқан үлесі үшін алғыс білдірді.
Валентин Петровичті келе жатқан Наурыз мейрамымен құттықтаған Орталық ұжымы ардагерге зор денсаулық, ұзақ өмір, бақ-береке тіледі.
Бұл құрмет пен ризашылық Отанын қорғаған тұлғалардың ерлігін мәңгі сақтаудың маңыздылығын көрсетеді.
