Сіздерді көктемнің жарқын мерекесі – Наурызмейрамымен шын жүректен құттықтаймын!
Биылғы Наурыз мейрамының атап өтілуі бірқатаререкшеліктермен айшықталған. Ең алдымен, бұлмейрам қасиетті Рамазан айымен тұспа-тұс келіпотыр. Сондай-ақ, 14 наурыздан бастап Мемлекетбасшысы Қ.К.Тоқаевтың бастамасымен бекітілгенжаңа форматтағы Наурызнама онкүндігі басталды.
Мерекенің алғашқы күні – Көрісу күні. Бұл – сан ғасырлық тарихы бар дәстүрге сай, жақын жандардыңұзақ қыс мезгілінен кейін бір-бірімен қауышып, амандасатын, ізгі тілектерін білдіретін күн.
Айрықша атап өтерлігі – онкүндіктің әр күні белгілі бір тақырыпқа арналады: «Көрісу – Амал мерекесі» (амандасу, кездесу және жылы лебіздер күні), «Қайырымдылық» (игі істер күні), «Мәдениет және ұлттық салт-дәстүр» (мәдени мұра күні), «Шаңырақ» (отбасы күні), «Ұлттық киім» (дәстүрлі киім күні), «Жаңару» (жаңғыру күні), «Ұлттық спорт» (дәстүрлі спорт түрлері күні), «Ынтымақ» (бірлік пен ынтымақ күні), «Жыл басы» (жаңа жылдың бастауы) және «Тазару» (рухани және тұрмыстық тазалық күні). Бұл күндер халқымыздың ұлттық мәдениеті мен құндылықтарының маңызды қырларын дәріптеуге бағытталған.
Наурыз мейрамын 10 күн бойы атап өтудің жаңа дәстүрі ғасырлар бойғы мерекенің мазмұнын байытып, оның ажырамас бөлігіне айналады деп сенемін!
Осы жарқын көктем мерекесі әр шаңыраққа мол бақ-береке, өзара сыйластық пен жан жылуын әкелсін! Елімізде әрдайым татулық орнап, тұрақтылық пен өсіп-өркендеу жалғасын тапсын!
Наурыз мейрамы құтты болсын! Оразаларыңыз қабыл болсын!
Қазақстан Республикасы
Президенттікорталығының директоры
Бақытжан ТЕМІРБОЛАТ
