2025 жылдың 12 наурызында сағат 15.00-де Астанада «Су ресурстарын сақтау және су жүйелерін тұрақты басқару: Қазақстанның жаһандық бастамалардағы рөлі» тақырыбында халықаралық конференция өтеді. Конференция Таза Қазақстан республикалық акциясы мен Бүкіләлемдік су ресурстары күнін атап өтуге арналады.
Бұл шара ҚР Президенттік орталығы мен ҚР Су ресурстары және ирригация министрлігінің бірлескен ұйымдастыруымен өтеді.
Конференция су ресурстары саласындағы Қазақстанның тап болатын өзекті мәселелер мен негізгі сын-қатерлерді талқылау, су ресурстарын сақтау бойынша шешімдер іздеу, сондай-ақ гидрологиялық қорлардың тұрақтылығын қамтамасыз ету мақсатында халықаралық ынтымақтастықты нығайту платформасына айналуды көздейді.
Іс-шараға мемлекеттік және қоғамдық қайраткерлер, халықаралық ұйымдардың басшылары мен өкілдері, ғалымдар, су ресурстары және экология саласындағы сарапшылар қатысады.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес11.03.2025 күнгі сағат 18.00-ге дейінpresidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а
