Бұл мерекені біз, ер адамдар, әйелдерден де асыға күтеміз десем, қателеспейтін шығармын. Өйткені дәл осы күні біз ең қымбат әрі жақын жандарымызға – өміріміздің бақытты да қиын сәттерінде, жеңістеріміз бен жеңілістерімізде қасымызда болатын аяулы жандарға шынайы сүйіспеншілігіміз бен шексіз құрметімізді жеткізе аламыз.
Біз асыл жарларымыз, ардақты аналарымыз, аяулы әжелеріміз, қамқоршы әпке-қарындастарымыз, сүйікті қыздарымыз бен әріптестерімізге күнделікті күйбең тіршілікте оларға алғысымызды айтып, сезімімізді білдіруге әрдайым уақыт таба бермейміз. Сондықтан 8 наурыз бізге бір сәтке тоқтап, ойымызды жинақтап, өміріміздегі ең маңызды нәрселерінің бірі – әйелдер қауымына құрмет көрсетуді ұмытпауға мүмкіндік береді.
Осы игі дәстүр ұзағынан сақталып, ұрпақтан-ұрпаққа жалғаса берсін! Ер азаматтар әрдайым сіздерге сүйіспеншілік пен ризашылығын білдіре алатын болсын!
Мерекелеріңізбен, арулар!
Құрметпен,
Қазақстан Республикасы
Президенттік орталығының директоры
Бақытжан ТЕМІРБОЛАТ
