Қазақстан Республикасының Президенттік орталығы 2025 жылғы 5 наурызда сағат 15.00-де Қазақстан халқы Ассамблеясының 30 жылдығына орайластырылған «Қазақстан халқы Ассамблеясы: бірлік пен дамудың үш онжылдығы» атты халықаралық дөңгелек үстел өткізеді.
Іс-шара Қазақстан халқы Ассамблеясының 30 жыл ішіндегі бірлікті, үйлесімділікті және мәдениетаралық диалогты нығайтудағы бірегей рөлін, сондай-ақ бірегей институттың әлеуметтік-саяси тұрақтылықты дамытуға, елдің этникалық және мәдени топтары арасында бейбітшілік пен өзара түсіністікті сақтауға қосқан үлесін талқылау мақсатында өткізіледі.
Дөңгелек үстелге қатысу үшін Қазақстанның мемлекеттік және қоғам қайраткерлері, Қазақстанның этномәдени бірлестіктерінің басшылары мен мүшелері, халықаралық ұйымдардың өкілдері, сондай-ақ жастар мен қоғамдық бірлестіктердың көшбасшылары шақырылды.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 05.03.2025 күнгі сағат 10.00-ге дейін presidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а
