Қазақстан Республикасы Президенттік орталығының қызметкерлері «Атамекен» ғылыми-білім беру жобасы аясында Астана қаласының №54 «Нұр-Ай» балабақшасында көшпелі музей сабағын өткізді.
Сабақта «Балдырған» мектепалды тобының тәрбиеленушілері музей мен жәдігерлердің не екенін, сондай-ақ музейлердің тарих пен мәдениетті зерделеуге қалай септігін тигізетіні туралы білді. Балалар жаңа сөздер мен ұғымдарды үйренуге қызығушылық танытты, сұрақтарға белсенді жауап беріп, жұмбақтарды шешіп және жәдігерлерді тақырыптық байланысы бойынша ажыратуды үйренді.
Болашақ оқушылар Президенттік орталықтың музейінің экспозицияларымен танысып, жаңа танымдық іс-шараларға қатысуға ниет білдірді.
