Ағымдағы жылдың 25 ақпанында сағат 14.00-деҚазақстан Республикасының Президенттік орталығында Қазақстан халқы Ассамблеясының 30 жылдығына арналған «Қазақстан халқы Ассамблеясы: бірлік пен татулықтың 30 жылы»атты көрмесінің ашылуы өтеді.
Көрменің мақсаты – ҚР Президенттік орталығының жинағындағы материалдар негізінде ҚХА-ның қалыптасу және даму тарихын, сондай-ақ ҚХА-ның халықтық дипломатияны, этнодіниқатынастарын дамуындағы рөлі мен маңызын, Қазақстан Республикасында ұлтаралық келісімді нығайту және қоғамды біріктіру ісіне қосқан үлесін көрсету.
Шараға Қазақстан халқы Ассамблеясы Төрағасының орынбасары, ҚР Президенті Әкімшілігі ҚХА Хатшылығының меңгерушісі Марат Әзілханов, ҚР Парламентінің депутаттары, этномәдени бірлестіктер мен мүдделі мемлекеттік органдардың өкілдері қатысады.
Қазақстан халықтар Ассамблеясы 1995 жылдың 1 наурызында құрылды.
2007 жылдан бастап Қазақстан халқы Ассамблеясы болып өзгертілді, Конституциялық реформаның нәтижесінде 2007 жылы Ассамблеяға конституциялық мәртебе берілді, ол Парламент Мәжілісіне 9 депутатты сайлау құқығына ие болды, бұл ҚХА-ның саяси-басқарушылық рөлін едәуір арттырды.
Бүгінгі таңда Қазақстан халқы Ассамблеясы мемлекеттік ұлттық саясаттың құралы болып табылады, оның қызметі республикадағы қоғамдық-саяси тұрақтылықты жүзеге асыруға, қамтамасыз етуге және этносаралық қатынастар саласындағы қоғамның мемлекеттік және азаматтық институттарының өзара іс-қимылының тиімділігін арттыруға бағытталған.
Қазақстан халқы Ассамблеясы біздің еліміздің аумағында тұратын этникалық топтардың өкілдері жақын және алыс шетел мемлекеттерімен өзара іс-қимылды дамыта отырып, шекара маңындағы ынтымақтастыққа үлкен мән береді. Халықаралық қауымдастық Қазақстан халқы Ассамблеясының қызметін этносаралық толеранттылық пен конфессияаралық келісімнің «қазақстандық үлгісі» деп таниды.
Көрме екі бөлімнен тұрады және Тәуелсіздіктің маңызды жетістігі ретінде Ассамблея идеясының өркендеуін бақылауға мүмкіндік беретін ең толық, жүйеленген материалдар кешенін қамтиды:
І. «Қазақстан халқы Ассамблеясының даму тарихы» бөлімінде
ҚР Президенттік орталығының архив және музейматериалдары арқылы ҚХА-ның қалыптасу және даму тарихы ұсынылған, олар оның этносаралық келісімді сақтау және Қазақстан халқының бірлігін нығайту ісіндегі бастамаларын баяндайды.
ІІ. «Этносаралық және жалпыұлттық келісімнің кепілі» бөлімінде Қазақстан Республикасының аумағында тұратын түрлі этностардың өкілдері арасындағы мүдделерді біріктіру және оң өзара іс-қимыл қағидаттарында әрекет ететін ҚХА платформасында бірлік пен келісім идеясын дамыуы мен нығайюы көрсетілген.
Көрме бір ай бойы жұмыс істейтін болады.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 24.02.2025 күнгі сағат 17.00-ге дейінpresidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а
