Басты бетПрезиденттік орталықта Павлодар қаласының Балалар көркемсурет мектебінің жас суретшілерінің дипло...

Президенттік орталықта Павлодар қаласының Балалар көркемсурет мектебінің жас суретшілерінің дипломдық жұмыстарының «Шығармашылық әуендер» атты көрмесі ашылады

Президенттік орталықта Павлодар қаласының Балалар көркемсурет мектебінің жас суретшілерінің дипломдық жұмыстарының «Шығармашылық әуендер» атты көрмесі ашылады

2024 жылғы 12 желтоқсанда сағат 15.00-де Қазақстан Республикасының ПІБ Президенттік орталығында Қазақстан Республикасының Тәуелсіздік күніне арналған Павлодар қаласының Балалар көркемсурет мектебінің жас суретшілерінің дипломдық жұмыстарының «Шығармашылық әуендер» атты көрмесі ашылады. Көрме қосымша білім беру мекемелерін қолдауға және балалар шығармашылығын дамытуға бағытталған «Туған өлкем» жобасы аясында ұйымдастырылды.

Павлодар қаласының Балалар көркемсурет мектебі – жай ғана оқу орны емес, бұл жерде таланттар туып, шығармашылық қабілеттер ашылады. 1979 жылы құрылған БКМ-нің ұзақ тарихы мен бай дәстүрлері бар. Оның ашылуына белгілі суретшілер – Әнуар Игембаев, Константин Баранов, Қажыбек Баймульдин, Виктор Поликарпов, Павел Лысенко, Валерий Приходько, Еркін Такирбасов тікелей қатысты. 2024 жылы мектеп өзінің 45 жылдық мерейтойын атап өтеді. Бүгінгі таңда БКМ-де 30 кәсіби педагог жұмыс істейді және 1250 оқушы білім алады.

Елорда тұрғындары мен қонақтарының назарына түрлі техникалар мен жанрлардағы 55 жұмыс ұсынылады: портреттер, натюрморттар, пейзаждар, коллаждар, мүсін. Шығармашылық арқылы балалар қоршаған әлемге деген көзқарастарын, сезімдері мен тәжірибелерін, тарихқа, Отанға, халықтың дәстүрлеріне деген сүйіспеншілігін көрсетуге тырысты.

Көрменің ашылу күні сағат 14.00-де Павлодар қ. БКМ педагогтары Ахметжанова Татьяна Васильевна – «линогравюра» бойынша, Мергалиева Айдана Ардаққызы – «Ою-өрнек композициясы» атты аралас техникасындағы жұмыс бойынша Астана қ. БКМ ЮНЕСКО–клубы оқушыларына шеберлік сағаттарын өткізеді.

 

БАҚ өкілдері аккредитациядан өтуі тиіс!

Оған қажетті мәліметті кестеге сәйкес 12.12.2024 күнгі сағат 11.00-ге дейін presidentcenterkz@gmail.com электрон поштасына жіберген жөн.

Байланыс нөмірі: 8 (7172) 69-30-57, +7 707 955 59 05 (Оңалбаева Сауле).

Мекенжай: Астана қ., Бөкейхан көшесі, 1а