Ағымдағы жылдың 5 желтоқсан күні сағат 11.00-де ҚР ПІБ Президенттік орталығында Қазақстан Республикасының Тәуелсіздік күніне арналған «Менің отбасымның тарихы – Отанымның тарихы» атты жыл сайынғы дәстүрлі шежіре фестивалі өтеді.
Іс-шараны ҚР ПІБ Президенттік орталығы Астана қаласы әкімдігінің Әдістемелік орталығымен және мектепке дейінгі білім беру ұйымдарымен бірлесе отырып, баланың әлеуметтік-адамгершілік мәдениетін қалыптастыру, өзара тиімді қарым-қатынас жасау мақсатында, отбасылық құндылықтарды сонымен қатар рухани мәдениетті сақтау және дамыту, отбасылық және ұлттық дәстүрлерді жаңғырту үшін оқушылардың отбасыларымен бірге өткізіледі.
Фестиваль барысында астаналық балабақша тәрбиеленушілерінен жеті жанұя өз отбасылары мен «Жеті ата» тұқымдық шежіре ағаштарын шығармашылық үлгіде ұсынатын болады.
Барлық қатысушыларға дипломдар мен естелік сыйлықтар беріледі.
БАҚ өкілдері аккредитациядан өтуі тиіс!
Оған қажетті мәліметті кестеге сәйкес 04.12.2024 күнгі сағат 18.00-ге дейін presidentcenterkz@gmail.com электрон поштасына жіберген жөн.
Байланыс нөмірі: 8 (7172) 69-30-57, +7 707 955 59 05 (Оңалбаева Сауле).
Мекенжай: Астана қ., Бөкейхан көшесі, 1а
