29 қарашада Қазақстан Республикасы Президенттік орталығында «Адал азамат – адалеңбек» пікірсайыс алаңында елордалық Бейімбет Майлин атындағы №52 мектеп-гимназиясының, Әлімхан Ермеков атындағы №38 және Ақжан Әл-Машани атындағы №92 мектеп-лицейлерінің, сонымен қатар Ахмет Байтұрсынұлы атындағы Binom school командаларының кездесуі өтті.
Соңғы іріктеу ойыны 2024-2029 жылдарға арналған «Таза Қазақстан» экологиялық мәдениетін дамыту тұжырымдамасын кеңінен насихаттауға арналды. Британдық парламенттік форматтағы пікірталаста екі команданың спикерлері Түркістан өмір сүруге ең жайлы қала және түркі әлемінің рухани-мәдени орталығы болып табылады деген тұжырымды қорғады. Олардың қарсыластары бұл пікірді жоққа шығарды.
Ойын қорытындысы бойынша Бейімбет Майлин атындағы №52 мектеп-гимназиясының командасы үздік деп танылды. Оның қатысушылары ағымдағы жылдың желтоқсан айында жартылай финалдық турнирде басқа іріктеу кезеңдерінің жеңімпаздарымен кездеседі.
