Қазақстан Республикасының Президенттік орталығында елордадағы №108 орта мектептің 7 сынып оқушыларына «Батырлық институты: дәстүрлер, мәртебе және қару-жарақ» музейлік сабақ өтті.
«Қазақстан әлемдік қауымдастықта» музей залында оқушылар қару сыйлау дәстүрі мен «бес қару» (қазақ батырының бес қаруы: қылыш, семсер, найза, сүңгі, садақ, күрзі, айбалта) туралы білді. Оқушылар экспозицияда ұсынылған қару-жарақ топтамасын аса қызығушылықпен тамашалап, кейбір жәдігерлерді ұстап көрді.
