27 қыркүйекте Қазақстан Республикасының Президенттік орталығында елордалық №91 мектеп-гимназиясы, №57 және 16 орта мектептердің, сонымен қатар ZERDELI халықаралық мектебінің командалары кездесті.
Британдық парламенттік пікірталас форматындағы «Адал азамат – адал еңбек» пікірсайыс алаңында екі команданың спикерлері ата-аналар балаларының әлеуметтік желілерін бақылауы керек деген пікірді қорғады. Қалған екеуі сәйкесінше бұл көзқарасты жоққа шығарды.
Әділқазы қызметін Астана халықаралық университетінің студенті Мейірім Уәлиолданов атқарды.
Өткен ойынның қорытындысы бойынша ZERDELI мектебінің командасы үздік деп танылып, келесі кезеңге өтті. Барлық қатысушылар сертификат алды.
