18 қыркүйекте Қазақстан Республикасы ПІБ Президенттік орталығының қызметкерлері «Әділетті қоғам – Адал азамат» бағдарламасы бойынша сабақ өткізді.
Жаңа оқу жылында білім беру бағдарламасының алғашқы тыңдаушылары ретінде Ақтөбе, Қызылорда, Түркістан және Батыс Қазақстан облыстарының жоғары сынып оқушылары қатысты.
Екі күн ішінде 108 жас онлайн режимінде «Әділеттілік: тұжырымдамалық принциптер. Қазақстандық қоғамның әлеуметтік-мәдени мұраттары. Жаңа құндылықтарды қалыптастыру мәселелері» және «Әділетті Қазақстан: жасампаздық жолында» тақырыптарында дәрістерді тыңдады.
Ал тренинг барысында қолданбалы әлеуметтік бағдарланған жобаларды әзірлеуді әрі таныстыруды үйренді.
