ҚР Президенті Іс басқармасы Президенттік орталығының ресми сайтында ұйымның музейі бойынша 3D-тур өз жұмысын бастады.
Панорамалық шолу, қатысу әсерін жасай отырып, Президенттік орталық музейінің барлық көрме залдарына қызықты виртуалды саяхат жасауға мүмкіндік береді. Тур барысында бөлімдердің мазмұнымен танысуға, сондай-ақ Қазақстан мемлекеттілігінің тарихын ашатын маңызды экспонаттар туралы қысқаша ақпарат алуға болады.
Мұның бәрімен Президенттік орталық сайтының басты бетіндегі "3D-тур" батырмасын басу арқылы танысуға болады (https://3d.po.qr-pib.kz/).
3D-турдан бөлек, елорда қонақтары мен тұрғындары жыл бойы ашық болатын музейге бару арқылы үнемі және уақытша экспозицияларды өз көздерімен көре алады.
Естеріңізге сала кетейік, Президенттік орталық музейінің басты мақсаты Қазақстан Республикасы президенттерінің қызметі арқылы мемлекеттің қалыптасу және даму тарихын зерделеу, сондай-ақ олардың тарихи мұрасын ілгерілету болып табылады.
Музей кеңістігінің жалпы ауданы 2,5 мың шаршы метрден асады. Оған барлығы 10 экспозициялық зал кіреді: кіру тобы, «Қазақстан Республикасының президенттік институтының рәміздері», «Қазақстан Республикасының президенттік институты», «Тәуелсіз Қазақстанның жетістіктері», «Қазіргі Қазақстанның астанасы», «Қазақстанның жаһандық бастамалары», «Әлемдік қоғамдастықтағы Қазақстан», «Болашақтың проекциясы», «Финалдық шоу», «Тәуелсіздік генерациясы».
Президенттік орталықтың музей жинағы 12 мыңнан астам сақтау бірлігін құрап, 12 коллекциядан тұрады. Музейдің экспозициялық залдары мен көрме аймақтарында 2 мыңға жуық экспонат қойылған. Олардың ішінен марапаттау қоры, бағалы металдар мен асыл тастардан жасалған бұйымдар, қару-жарақ пен әскери жабдықтар, кәдесый бұйымдары, бейнелеу өнері, нумизматика және т.б. коллекцияларын атап кетуге болады.
Музей балабақша тәрбиеленушілері, оқушылар, студенттер, елорда қонақтары мен тұрғындары, зейнеткерлерден бастап шет мемлекеттердің ресми делегациялары мен бірінші тұлғаларына дейін келушілердің әртүрлі санаттарын тартады.
2024 жылдың басынан бастап Президент орталығының музейіне 52 мыңға жуық адам келді, а.ж. қаңтар - шілде аралығында 1800-ден астам экскурсия өткізілді.
Бүгінгі таңда экскурсиялар қазақ, ағылшын және орыс тілдерінде жүргізіледі, болашақта қытай және түрік тілдерінде экскурсиялар енгізу жоспарлануда.
