2024 жылғы 10 шілдеде сағат 10.00-де Қазақстан Республикасы Президенті Іс басқармасының Президенттік орталығында «Astana Graffiti Festival» ашылуы өтеді.
Бұл street-art жанрының кәсіби шеберлерін, сондай-ақ әуесқой суретшілерді біріктіретін жарқын мәдени оқиға.
Фестиваль көше өнерін әлеуметтік маңызды ақпаратты визуализациялау құралы ретінде танымал ету, сондай-ақ street-art жанрында жұмыс істейтін кәсіби және әуесқой авторларға олардың шығармашылық әлеуетін дамыту және жүзеге асыруда қолдау көрсету мақсатында өткізіледі.
Қазақстан Республикасы Президенттік орталығы ғимаратының алдындағы алаң street-art галереясына, суретшілердің еркін шығармашылығына арналған алаңға айналады. Іс-шара аясында танымал суретшілер
Лейла Махат, Ульяна Евдокимова, Николай Селютин, Сағындық Дагаров және т.б. бейнелеу өнерінің алуан түрлері бойынша шеберлік сыныптарын, дәрістер, қойылымдар өткізу жоспарлануда.
