Мемлекеттік мереке – Астана күні қарсаңында №83 «Жансая» балабақшасында Қазақстан Республикасы Президенті Іс басқармасы Президенттік орталығының мектепке дейінгі мекеме ұжымымен бірлесе ұйымдастырған «Астана – менің гүл қалам» мерекелік сабағы өтті.
Іс-шараға балабақшаның 50 тәрбиеленушісі қатысты, көрермен болған балдырғандардың әке-шешелері, мен ата-әжелері ризашылықтарын білдірді.
Астанаға арналған дәстүрлі балалар мерекесі кішкентайынан бастап өскелең ұрпақтың бойында патриотизм, өз қаласына деген сүйіспеншілік пен қызығушылық сезімін тәрбиелеуге бағытталған.
Балдырғандар мерекеге ұзақ уақыт дайындалып, өз өнерлерін ортаға салып, жарқырай түсті: театрландырылған көріністерде рөлдерді ойнады, биледі, өлең оқып, ән салды.
Барлық қатысушыларға ұйымдастырушылар мен демеушілер атынан сыйлықтар тарту етілді.
