2024 жылғы 20 маусымда сағат 15.00-де ҚР ПІБ Президенттік орталығында «Құқық бұзушылықтың алдын алу: заңға қайшы әрекеттерге нөлдік төзімділік қағидатының негізі» атты дөңгелек үстел отырысы өтеді.
Бұл шара ҚР ПІБ Президенттік орталығы менПарламентаризм Институтының бірлесуімен ұйымдастырылды.
Қазіргі уақытта Қазақстан Республикасының Үкіметі құқық бұзушылықтың алдын алу туралы заң жобасын әзірлеуде. ҚР ПІБ Парламентаризм институты аталған құжатқа өз түзетулері мен ұсыныстарын дайындауда.
Бұл өзекті тақырыпты Қазақстан Республикасы Парламенті депутаттарының, мемлекеттік органдар өкілдерінің, ғалымдар мен сарапшылардың қатысуымен өтетін дөңгелек үстелде талқылау жоспарлануда.
Дөңгелек үстел офлайн және онлайн форматта өтеді. Өтетін орны: Астана қ., Ә. Бөкейхан көшесі, 1а.
