ҚР ПІБ Президенттік орталығында елордалықмектептердің жоғары сынып оқушылары арасында кезекті ашық пікірсайыс өтті.
Британдық парламенттік форматта өтетін «Адал азамат – адал еңбек» пікірталас алаңындағы талқылауға қатысу барысында №4 Жамбыл Жабаеватындағы мектеп-гимназияның, Барлыбек Сырттанұлы атындағы №34 орта мектептің, Шейх Халифа бен Зайд әл Нахаян атындағы №84 мектеп-лицейі және №88 мектеп-лицейінің оқушылары елордаға көшіп келушілердің легін және Астанаға ішкі көші-қонды шектеу қажет пе деген мәселені талқылады.
Команда спикерлері «қолдайтын» және «қарсы» дәлелдер келтірді. Қазылар алқасы қортындылай келе, пікірталастың келесі кезеңінде шешендік пен сенімділік таныта алатын топты таңдады. Бұл – №88 мектеп-лицейінің оқушыларынан құралған «Достар» командасы.
